வெற்றிமயில் துணையிருக்கு!

ஆடும் விளையாட்டு என்று ஆனதையா வாழ்க்கை
ஆறுமுகா உன்னைக்கண்டு தீர்ந்ததையா வேட்கை

வேறுதுணை ஏதுமில்லை
வேலன்முகம் அருகிருக்கு
வேதனைகள் ஏதுமில்லை
வெற்றிமயில் துணையிருக்கு

ஓடும்மனம் ஓடி ஓடி அலைந்ததையா அன்று
ஓம்முருகா என்றுருகிக் கனிந்ததையா இன்று

உற்றம் சுற்றம் ஏதுமில்லை
ஓர்வடிவேல் அருகிருக்கு
பற்றுப் பந்தம் ஏதுமில்லை
பரமகுரு துணையிருக்கு

பாடும்பொருள் நீயாகிப் பணிந்ததையா நெஞ்சம்
பாதமலா் பற்றி அது அடைந்ததையா தஞ்சம்

வேண்டுவது ஏதுமில்லை
வேல்முருகன் துணையிருக்கு
ஆண்டருள்வான் என்னை என்று
அச்சமில்லா மனமிருக்கு!


-இந்துமகேஷ்
(02.05.2004)