ஓம் நமசிவாய
- இந்துமகேஷ்
ஓம் நமசிவாய ஓம் நமசிவாய ஓம் நமசிவாய
நடமாடும் நாவினிலே ஓம் நமசிவாய
நமைக் காக்கும் மந்திரமே ஓம் நமசிவாய
இடையின்றி தினம் ஓதும் ஓம் நமசிவாய
எப்போதும் துணையாகும் ஓம் நமசிவாய
ஓம் நமசிவாய ஓம் நமசிவாய ஓம் நமசிவாய
நடராஜன் திருப்பாதம் நான் பற்றிக்கொண்டேன்
நான் என்பதார் என்று நான் கண்டுகொண்டேன்
விடமுண்ட கண்டனவன் விளையாடல் கண்டேன்
வினையாவும் தீர்க்கின்ற மருந்தொன்று கண்டேன்.
ஓம் நமசிவாய ஓம் நமசிவாய ஓம் நமசிவாய
விடையேதும் அறியாமல் விரைகின்ற வாழ்வில்
விடையாக நடராஜன் முகம் காட்டி நின்றான்
கடையேனை அடியானாய்க் கவர்ந்திட்ட ஈசன்
காருண்ய விழி காட்டி எனை ஆண்டுகொண்டான்.
ஓம் நமசிவாய ஓம் நமசிவாய ஓம் நமசிவாய
உடல்மாறி இடம் மாறி உலைகின்ற ஆவி
உமைபாகன் சிவனாக உருமாறக்கண்டேன்
தடம் மாறிப்போகாமல் எனைத் தாங்கிக்கொண்டான்
சர்வேசன் என் வாழ்வின் பொருளாகி நின்றான்.
ஓம் நமசிவாய ஓம் நமசிவாய ஓம் நமசிவாய
நடமாடும் நாவினிலே ஓம் நமசிவாய
நமைக் காக்கும் மந்திரமே ஓம் நமசிவாய
இடையின்றி தினம் ஓதும் ஓம் நமசிவாய
எப்போதும் துணையாகும் ஓம் நமசிவாய
ஓம் நமசிவாய ஓம் நமசிவாய ஓம் நமசிவாய
- இந்துமகேஷ்
26.02.2020
No comments:
Post a Comment