ஆறுமுகன் திருவடிக்கே சரணானது

 

ஆறுமுகன் திருவடிக்கே சரணானது

-இந்துமகேஷ்

மயிலாடுது சேவல் கொடியாடுது

வடிவேலன் திருக்கோயில் மணியாடுது.

வினை ஓடுது பகை ஓடுது - கந்தன்

விழிகாட்டும் கருணையினால் துயர் ஓடுது.

திருமுருகா எனத் தினம் என் நாவாடுது

சேவடியில் பணிந்தெந்தன் சிரம் ஆடுது

அருள்காட்டும் முகம் கண்டென் மனம் ஆடுது

அவன் தோளில் நான் சூட்டும் மலர் ஆடுது

வினை ஓடுது பகை ஓடுது - கந்தன்

விழிகாட்டும் கருணையினால் துயர் ஓடுது.

கோ கோ கோ என்றே குயில் பாடுது

கோ அரனுக் கோ வென்றே சேவல் பாடுது

காவலனே நீயென்று உயிர்கள் பாடுது

காத்திடுவாய் உலகையென்றென் உளம் பாடுது

வினை ஓடுது பகை ஓடுது - கந்தன்

விழிகாட்டும் கருணையினால் துயர் ஓடுது.

ஆடுதலும் பாடுதலும் அழகானது

ஆறுமுகன் திருவடிக்கே சரணானது

தேடுதலும் நாடுதலும் முடிவானது

தெளிந்தவர்க்கு ஞானமவன் வடிவானது.

இந்துமகேஷ்

(15.12.2017)