முருகா! மால் மருகா!
வருவாய் துணைபுரிவாய்!
வேலெடுத்து சூரர்படை
வேரறுத்த வேலவா!
நாடுகாக்கப் போர்தொடுத்த
நமது சுற்றம் காக்கவா!
காடலைந்து வள்ளிதன்னைக்
கரம்பிடித்த வேலவா!
நாடலைந்தும் உன்னில் நாங்கள்
கொண்டகாதல் காணவா!
வேலெடுத்து சூரர்படை
வேரறுத்த வேலவா!
நாடுகாக்கப் போர்தொடுத்த
நமது சுற்றம் காக்கவா!
ஓமுரைத்த பொருள் வகுத்து
தந்தைமனம் ஈர்த்தவா!
நாம்அழைக்கும் நிலையறிந்து
நன்மைகளைச் சேர்க்கவா!
வேலெடுத்து சூரர்படை
வேரறுத்த வேலவா!
நாடுகாக்கப் போர்தொடுத்த
நமது சுற்றம் காக்கவா!
நீபடைத்த மண்ணில் என்றும்
நிறைந்திருக்கும் வேலவா!
போர்முடித்து சுதந்திரத்தைப்
போற்றுகின்ற வாழ்வு தா!
வேலெடுத்து சூரர்படை
வேரறுத்த வேலவா!
நாடுகாக்கப் போர்தொடுத்த
நமது சுற்றம் காக்கவா!
ஆறுபடை வீடமைத்து
அருள்புரியும் வேலவா
தேறுதலைத் தேடும் எங்கள்
தீவினைகள் போக்கவா!
வேலெடுத்து சூரர்படை
வேரறுத்த வேலவா!
நாடுகாக்கப் போர்தொடுத்த
நமது சுற்றம் காக்கவா!
(இந்துமகேஷ் - 1992 ஆடி)
Subscribe to:
Post Comments (Atom)
என்னை இழந்து இழந்து உன்னை அறிந்தேன்.
என்னை இழந்து இழந்து உன்னை அறிந்தேன். -இந்துமகேஷ் முருகா முருகா முருகா! அருவே உருவே எனதாருயிரே உருகும் மனதுள் உறையும் திருவே முருகா முருகா ம...
-
அன்னை உமை பாலகனே! ஆறுமுக வேலவனே உன்னை எண்ணித் துதித்திருந்தேன் ஓடிவந்து அணைப்பதெப்போ? ( இறவாமல் பிறவாமல் எனையாள்சற் குருவாகிப் பிறவாகித் த...
-
அகரமுதல எழுத்தெல்லாம் ஆன தெய்வமே ஆறுமுக வேலவனாய் அமர்ந்த தெய்வமே! அம்மையப்பன் மகனான அழகுத் தெய்வமே ஆறுமுகம் கொண்டெமக்கு அருளும் தெய்வமே இம்... -
உருகி உருகி கண்ணீர் பெருகிப் பெருகி உந்தன் அருளைத் தேடுகிறேன் முருகா!- நீ அருகில் அருகில் என்று வருவாய்? அருகில் அருகில் என்று வருவாய்? அருக...
No comments:
Post a Comment